ஏழைகள் ஒவ்வொருவருக்கும் 7,500 ரூபாய் கொடுங்கள் – மன்மோகன்சிங் குழு சிபாரிசு

ஏழைகளின் வங்கிக்கணக்கில் தலா ரூ.7 ஆயிரத்து 500 செலுத்த வேண்டும் என்று மத்திய அரசுக்கு மன்மோகன்சிங் குழு சிபாரிசு செய்துள்ளது.

கொரோனா வைரஸ் பாதிப்பு ஏற்பட்டுள்ள நிலையில், பொருளாதாரத்துக்கு புத்துயிரூட்ட மத்திய அரசு எடுக்க வேண்டிய நடவடிக்கைகள் குறித்து சிபாரிசு செய்ய முன்னாள் பிரதமர் மன்மோகன்சிங் தலைமையில் ஒரு குழுவை காங்கிரஸ் கட்சி அமைத்துள்ளது.

Advertisements

இந்நிலையில், இக்குழுவின் முதல் கூட்டம் நேற்றுமுன்தினம் நடைபெற்றது. அதில், மன்மோகன்சிங், ராகுல் காந்தி உள்ளிட்ட குழு உறுப்பினர்கள் பங்கேற்றனர்.

கூட்டம் முடிவடைந்த பிறகு, மற்றொரு உறுப்பினரான முன்னாள் மத்திய மந்திரி ஜெய்ராம் ரமேஷ் காணொலி காட்சி மூலம் பேட்டி அளித்தார். அவர் கூறியதாவது:-

சிறு, குறு, நடுத்தர தொழில் நிறுவனங்களுக்கு முன்னுரிமை அளிக்க வேண்டும் என்று மன்மோகன்சிங், ராகுல் காந்தி ஆகியோர் வலியுறுத்தினர். ஏனென்றால், நாட்டில் ஏராளமான வேலைவாய்ப்பு அளிக்கக்கூடியது, இத்துறை ஆகும்.

ஆகவே, இத்துறைக்கு புத்துயிரூட்டுவதற்கான விரிவான திட்டத்தை காங்கிரஸ் வகுத்துள்ளது. ஓரிரு நாளில் அதை மத்திய அரசிடம் சமர்ப்பிப்போம்.

Advertisements
Homeless and impoverished Indians receive food at a government shelter in New Delhi, India, Thursday, March 26, 2020. Some of India’s legions of poor and people suddenly thrown out of work by a nationwide stay-at-home order began receiving aid distribution Thursday, as both the public and private sector work to blunt the impact of efforts to curb the coronavirus pandemic. (AP Photo)

சுமுகமான தானிய கொள்முதலை உறுதி செய்யவும், புலம்பெயர் தொழிலாளர் பிரச்சினைக்கு தீர்வு காணவும் சாதகமான சிபாரிசுகளை அளிக்குமாறு மன்மோகன்சிங், ராகுல்காந்தி ஆகியோர் கேட்டுக்கொண்டனர்.

கொரோனா வைரசால் பாதிப்பு ஏற்பட்டு இருப்பதால், நேரடியாக வரவு வைக்கும் முறையில் ஏழைகளின் வங்கிக்கணக்கில் தலா ரூ.7 ஆயிரத்து 500 செலுத்த வேண்டும் என்று மத்திய அரசுக்கு இந்த குழு சிபாரிசு செய்துள்ளது. ஜன்தன் வங்கிக்கணக்குகள், அனைத்து ஓய்வூதிய கணக்குகள், பிரதமர்-கிசான் திட்ட கணக்குகள் ஆகியவற்றில் இப்பணத்தை செலுத்த வேண்டும். கருணையுள்ள, பொறுப்பான அரசாக இருந்தால், இந்த நிதிக்கு ஏற்பாடு செய்யும்.

Chennai: Labourer and customers seen at a vegetables market during nationwide lockdown imposed to contain the spread of the COVID-19, in Chennai, Monday, April 6, 2020. (PTI Photo/R Senthil Kumar) (PTI06-04-2020_000119A)

மத்தியபிரதேசத்தில் ஆட்சியை கவிழ்ப்பதில் கவனம் செலுத்தியதால், கொரோனா தடுப்பு பணிகளில் மத்திய அரசு தாமதம் செய்தது. இப்போதாவது, காங்கிரஸ் குழு அளிக்கும் சிபாரிசுகளை ஏற்றுக்கொள்ளும் என்று நம்புகிறோம்.

மராட்டிய மாநிலம் பால்கார் மாவட்டத்தில், திருடர் என்ற சந்தேகத்தில் 3 பேர் அடித்துக் கொல்லப்பட்ட விவகாரத்தில் கூட பா.ஜனதா அரசியல் செய்து வருகிறது.” இவ்வாறு ஜெய்ராம் ரமேஷ் கூறினார்.

Advertisements

Related posts